MORKAIKOREN EGUNA
Morkaikoren Eguna Maiatzeren 2. edo 3. zapatuan izan ohi da. Egun honek Elgoibarko Itzulia, Elgoibarko Itzulitxoa eta Finalista Eguna uztartzen dituen mendizaletasunaren festa da.
- Elgoibarko Itzulia: Nagusientzako mendi itzulia da. 38km inguruko luzera eta 2.000 metro inguruko gorako desnibel positiboa du. Ibilbidea eta track-a esteka honetan eskuragarri
- Elgoibarko Itzulitxoa: Familian egiteko mendi itzulia da, nagusi zein haurreri zuzenduta. 12 Km-ko luzera eta 800 metro inguruko gorako desnibel positiboa du. Ibilbidea eta track-a esteka honetan eskuragarri
- Finalista Eguna: Haurren artean mendi eta natura zaletasuna suspertzeko Morkaiko Mendi Elkarteak antolatzen duen ekintza da. Haurrentzat zuzenduta dagoen arren, gurasoak ere parte hartzera animatu nahi ditugu.
Haurrek, beraien datuak agertzen diren txartelak lagatzen dituzte urtean zehar mendi tontorretako buzoietan. Mendizaleek jasotzen dituzte txartelok eta Morkaikora ekartzen edo bidaltzen dituzte. Apirila bukaerarako, haur bakoitzak fitxa bat bete behar du, aurreko urteko maiatzetik finalista eguneko urteko apirilera igo dituen mendiak zein izan diren adieraziz, eta fitxa edo zerrenda hori Morkaikori helarazten.
Finalistaren Eguna aspalditik datorren ekintza da eta 2011. urtetik Morkaiko Egunaren programaren barnean egokitu dugu.
